නිවාඩුව තව ඈත,
නිවාඩුවටත්,
ගෙදර දොර බෝ ඈත..
තමන්ගෙම උන් වෙනුවට,
දුරින් නෑකම් කියන - පැරසිටමෝල් පෙති දෙක විතරමයි,
ඉසේ ඇම්මට- ඉස අතගාන...
හූර හූරා රීරි මාංසය,
යටකර ජුකී මැෂිමට,
තැපැල් දූතයකු අත,
යවා පඩිපත- මාසෙ අන්තිම,
පියවන- ගෙදර දොර අගහිඟ..
දුප්පතුන් නැති ලොවක,
කේතුමතී නුවරක,
සිරවී බෝඩිං වල- ගාමන්ට් කුකුළු කොටුවල,
බලන්..! දියව යති,
(අ)සුන්දර තාරුණ්යක සිහින....
-මුදිත්-
2014.11.27
No comments:
Post a Comment