නිමිත්ත: පොතක පිටුවක් අතර හිඳ, අහඹුවෙන් බිම පතිත මතක තුරුපත...
නිදා හුන් නින්ද බිඳ ඇහැරුනිද එක් වර
සුධාවල පොත් පිටුව කඳුලකින් තෙත් කර
මුදාහල හැම සුසුම යලි එකට එක් කළ
විඩාපත් තුරු පතකි මතකයෙහි වක්කඩ
_________________________________________________
ගිමන් හරින පඬුවන් සළුවෙන් බන්දා
නිධන් වලාකුළු පොකුරෙන් පොදි බැන්දා
එ'රන් අහස කළුවෙන් වැළලුනු හන්දා
පතන් බිමට කඳුලක් වැටුනිද මන්දා
මුදුන් කර බැන්ද තුරු වියනක මුහුල
සුළං පහර වැද ගිලිහුණ පත් යුවල
නිදන් කර මතක පොත පිටු'තර නිසල
සුපෙම් පහුර ඇදුනි ය අතහැර හබල
සැනසුම් සිතින් දිගු දුර විත් මල කැටුව
සුවඳක්, රොනක් නොවිඳ ම සුළඟට පිදුව
කැටයම් කළ සඳුන් දර සෑයක, තැනුව
ඉවසුම් සුසුම් මැද නින්දක මල් නටුව
එකිනෙක බැඳෙන තුරු දෙතැනක පෙරුම් පිරූ
අතැඟිලි තුඩක් කොඳුරයි, සිහිනයක් දුටූ
මළ තුරු පතක් මතකය අවුළුවන'යුරූ
තවමත් සිඹිමි ඒ සෙනෙහස් නටුවෙ කටූ
බලන්, නෙත'ග අවසඟ හසරැල් ලකුණූ
අසන්, ලයක ගිගිරුම් නගනා අකුණූ
නොකල් වද නමුදු එක දෙක මල් පිපුණූ
විලේ, හෙටත් මා නැතිවද මල් දරණූ
-මුදිත්-
2019.03.09
නිදා හුන් නින්ද බිඳ ඇහැරුනිද එක් වර
සුධාවල පොත් පිටුව කඳුලකින් තෙත් කර
මුදාහල හැම සුසුම යලි එකට එක් කළ
විඩාපත් තුරු පතකි මතකයෙහි වක්කඩ
_________________________________________________
ගිමන් හරින පඬුවන් සළුවෙන් බන්දා
නිධන් වලාකුළු පොකුරෙන් පොදි බැන්දා
එ'රන් අහස කළුවෙන් වැළලුනු හන්දා
පතන් බිමට කඳුලක් වැටුනිද මන්දා
මුදුන් කර බැන්ද තුරු වියනක මුහුල
සුළං පහර වැද ගිලිහුණ පත් යුවල
නිදන් කර මතක පොත පිටු'තර නිසල
සුපෙම් පහුර ඇදුනි ය අතහැර හබල
සැනසුම් සිතින් දිගු දුර විත් මල කැටුව
සුවඳක්, රොනක් නොවිඳ ම සුළඟට පිදුව
කැටයම් කළ සඳුන් දර සෑයක, තැනුව
ඉවසුම් සුසුම් මැද නින්දක මල් නටුව
එකිනෙක බැඳෙන තුරු දෙතැනක පෙරුම් පිරූ
අතැඟිලි තුඩක් කොඳුරයි, සිහිනයක් දුටූ
මළ තුරු පතක් මතකය අවුළුවන'යුරූ
තවමත් සිඹිමි ඒ සෙනෙහස් නටුවෙ කටූ
බලන්, නෙත'ග අවසඟ හසරැල් ලකුණූ
අසන්, ලයක ගිගිරුම් නගනා අකුණූ
නොකල් වද නමුදු එක දෙක මල් පිපුණූ
විලේ, හෙටත් මා නැතිවද මල් දරණූ
-මුදිත්-
2019.03.09
