වැඩිය හොඳ කොහොමද..?

මට, වැඩිය හොඳ කොහොමද..? 
                                                 -ඇය-

සාරියක් - ඔසරියක්..?
ගවුමක්..??
කලිසමක්..???

විඩාබර සති මැදක
පාන්දර ඔබ පිපී
මදහස වසන්කොට
කලබලෙන් පටලවයි සාරි පොට..
උදහසේ රැළි හදයි නුඹ..
මට යි ඒ උදහස...

ඉඳහිට එන සැඳෑවක
අතරින් පතර ගිලිහුණු
කහ මල් කිණිති සිඹ,
මල් පෙති ඉහුණු මල් ගවුමට
කටකාර වන මලයි නුඹ..
මට යි ඒ මදහස...

සති අන්ත ඉරිදාවක
නුවර මගතොට වීදි දිග
හිතුමතේ අත් පටලවන් යන,
අත් ඇඟිලි අතරේ
නිදහසයි නුඹ..
මට යි ඒ නිදහස...

සොඳුරිය..
ඉතින් මට,

සාරියක් කියන්නෙ ම උදහස..
ගවුමක් කියන්නේ මදහස..
ඩෙනිමක් කියන්නෙ ම නිදහස...

නුඹට...?

                                                  

                                                   -මුදිත්-
                                            2018.09.18