"උඹේ අදහස් තාර්කික නෑ..."
-හිතවතෙක්-
සබඳ,
ඔය පින්සලෙන් හැකිද
පින්තාරු කරන්නට
හතරැස් නොවුණු හැඩතල...?
තැනින් තැන වක් වුණු
අතරින් පතර එකමත වැටුණු
තද ඉරි, ළා පෑති ඉරි
මතින් නිමැවුණු සිත්තම..
තැනින් තැන
විටෙක උණුහුම, සිසිල
පවා රැඳි මේ සිත්තම...
හැකිද පින්තාරු කරන්නට
ඔය සුරත රැඳි තර්කයට...?
සබඳ...,
ජීවිතය කියන්නේ
චතුරස්ර, ෂඩස්ර, බහුඅස්ර විතරමද...?
ඉඳහිටක හෝ මුණ ගැහෙන
වෘතයන්, වක්ර රේඛා අතැර යා හැකිද...?
ඔතරම් උණුහුම් ම නම් හදවත...
-මුදිත්-
2015.07.22
No comments:
Post a Comment