රෝහල් සයනයක පාමුල
බොල් කොන්ක්රීට් පොළොවක
මල් පිපෙන්නට හැකි බව
කියා දුන් ඒ දවස් දහසය...
දුනු හී අත දරන්
සැරිසරද්දී පිරිවර
වෙද නළාවක් අත දරන්
සැප දුක සෙවූ කැමිලියා මලකට
සිත නිවාලන්නට හැකි බව
කියා දුන් ඒ දවස් දහසය...
අහර පිඬු, දිය බිඳු පවා උරණව
කුස අතැර හැරී එද්දී වියරුව
සේලයින් බිඳුවක දියවූ
කැමිලියා සුවඳකට
පණ ගැටගසන්නට හැකි බව
කියා දුන් ඒ දවස් දහසය...
පිය නගද්දී ක්ෂිතිජය සිට මෑතට
අහස පොළොවට දුර බව
අවසාන මොහොතේ පවා නොකොට අමතක
කියා දුන් ඒ දවස් දහසය...
-මුදිත්-
2015.09.19
No comments:
Post a Comment