ඒ ඉඩෝරය අහවරද
වැසි වැටේවිද තව නැතිද
පහු කරන් යන වැහි වළාවක් ගානේ
දෙගිඩියාවක මල් ගස..
පරාගණ දොර ලඟ හිඳින
සිනිඳු සමනළ තටු ගණින
රේණු විහිදුනු මල් දරා අත
දෙගිඩියාවක මල් ගස..
"පරාගණයෙන් පස්සේ
ළපටි ඵල දරා අතු අස්සේ
අමුණලා පොඩි කුරුළු තුඩකට
යැවිය යුතු වැහි වහින බිමකට.."
............
කේඬෑරි අතු මිය යද්දී
මියෑදුණ පත් ගිලිහෙද්දී
දරා අවසන් මල් පොකුර ළැම
නිහඬ සටනක මල් ගස...
-මුදිත්-
2015.05.26
No comments:
Post a Comment