නිරුවත් පොළොව පිට
සැඩ හිරු රැස් ම වැගිරෙයි,
නහර වැල් සිඳි සිඳී
අවසන් දිය බිඳත් වියැලෙයි..
සිහින් වැහි පොද එක දෙකක්
අවාරෙට පොළව පිට ඉහිරෙයි,
දැවෙන වැලි කැට මත වැතිර
එ'බිඳත් සිඳී වියැලෙයි...
දිගම දිග නිද්රාවෙක
සැඟව හුන් මල් ඇට
වියළි බිම මත විසිරෙයි..
ගිනි ගැනෙන රස්නෙට
මල් ඇටත් ගිනිගෙන පුපුරයි...
මල් කළල බිළිඳු ඇස්
බිම මත ඉකි බිඳුම් ඉහිරෙයි,
හමන එක සැඩ සුළඟකට
එ'හැම හැඬුමන් යටවෙයි...
රැය- දාවල යලිත් රැය
මාරුවෙන් මාරුවට එලැඹෙයි,
අඳ ගොලු බිහිරි තුඟු රුක්
එ'බිම මත සීරුවෙන් පැළවෙයි..
ඇස් කොනක වත් නොගැටී
එ'බිම මත මල් ඇට පුපුරයි...
-මුදිත්-
2015.06.26
No comments:
Post a Comment