ඇයි මේ කලබලේ...?

කලට නිල්ලට පීදෙන යායක

පුරන් වූ කට්ටියේ, වගුරු දිය අල්ලක

වෙල් පලා නෙළන්නී..

දවසට මිටක් ගානේ පීදෙන

මේ මහා පොළොවේ,

ඈ වෙනුවෙන් ශේෂ සාරය...

මහා හිමිදිරි පාන්දර

'ස්වර්ණ හෝරාවේ',

අවසාන තත්පර කිහිපයේ

ඇයි මේ කලබලේ,

ඈව සුරකින්නට කැමරා රාමුවේ..?

ඉතිහාසය පුරා

කාගෙ හෝ අම්මෙක් ව, අක්කෙක් ව

පැමිණියා සේ ඈ මෙතැනට..

හෙටටත්, මතු මතුත් 

ඉඳුරාම එයි ඈ නෙළන්නට

දවසට මිටක් ගානේ පීදෙන

මේ මහා පොළොවේ,

ඈ වෙනුවෙන් ශේෂ සාරය...

-මුදිත්-

17.02.2025

Image from web