හිත තබා නික්මුණෙන් මතකයක හැඩහුරුව
සිහින ඉවකර ඇදෙන කඳුළකිය නිම නැතිව
ළය පුරා පටලැවී - අතෙහි පැටලෙනු බැරිව
කල්පයක් කල් බලා හුන් අහස, සඳ නැතිව
සිහින ඉවකර ඇදෙන කඳුළකිය නිම නැතිව
ළය පුරා පටලැවී - අතෙහි පැටලෙනු බැරිව
කල්පයක් කල් බලා හුන් අහස, සඳ නැතිව
ගණාඳුරු සිත පුරා නොනැවතී පා නැගුව
සදාතන සිහිනයකි සොඳුරු හැඩතල මැව්ව
පුරාතන මතකයෙක බැඳුම් වරපට ලෙහුව
සරාසඳ වියැකුණිද අඳුරු කළුවට මුහුව
සදාතන සිහිනයකි සොඳුරු හැඩතල මැව්ව
පුරාතන මතකයෙක බැඳුම් වරපට ලෙහුව
සරාසඳ වියැකුණිද අඳුරු කළුවට මුහුව
වළා පෙළකට නැගී සැඟවෙන්න හැකි ඔබට
ගෙවා සපැමිණි දුරද, දුරක් නොවුණිද සිතට..?
නිවාලනු නොහැකියෙන්, නැගෙන කඳුළින් ඇසට
අතෙහි පටලා තබමි කළු ගැහුණු මුතු දෙපොට
ගෙවා සපැමිණි දුරද, දුරක් නොවුණිද සිතට..?
නිවාලනු නොහැකියෙන්, නැගෙන කඳුළින් ඇසට
අතෙහි පටලා තබමි කළු ගැහුණු මුතු දෙපොට
මගහැරුණු මුතු ඇටය මත නිදන් කර මතක
අත බඳිමි මුතු දෙපොට කඳුළ සඟවා ඇසක
හාදුවක් පළන්දා සියුමැලි ම කොපුලතක
පැතිර යමි දියැවෙමින් සන්තාප කළුවරක
අත බඳිමි මුතු දෙපොට කඳුළ සඟවා ඇසක
හාදුවක් පළන්දා සියුමැලි ම කොපුලතක
පැතිර යමි දියැවෙමින් සන්තාප කළුවරක
-මුදිත්-
2018.08.31
2018.08.31
No comments:
Post a Comment