නිමිත්ත:
මැද පෙරදිග ගෘහ සේවිකාවක් ලෙස සේවය කළ ශ්‍රී ලාංකික කාන්තාවක, එහි ම සේවය කළ ශ්‍රී ලාංකික තරුණයෙකු හා ඇතිවූ අනියම් සබඳතාවක් හේතුවෙන්, දඬුවම් ලෙස ගල් ගසා මරා දැමීමට නියම වෙයි.
මැද පෙරදිග ගෘහ සේවිකාවක් ලෙස සේවය කළ ශ්‍රී ලාංකික කාන්තාවක, එහි ම සේවය කළ ශ්‍රී ලාංකික තරුණයෙකු හා ඇතිවූ අනියම් සබඳතාවක් හේතුවෙන්, දඬුවම් ලෙස ගල් ගසා මරා දැමීමට නියම වෙයි.
ගිනි දැවෙන කතර පිට පැණි පිරුණු දඬු බෑය
නරුමකම සඟවාන කහවණුම ගෙන පෑය
මරු සිටින දිසාවේ සැඟව හිඳි දර සෑය
කිරිලියන් අපමණක් මරා පළහා කෑය
___________________________________________________
නරුමකම සඟවාන කහවණුම ගෙන පෑය
මරු සිටින දිසාවේ සැඟව හිඳි දර සෑය
කිරිලියන් අපමණක් මරා පළහා කෑය
___________________________________________________
අසන වගතුග රිදුම් සනහන බිඳක් තෙත රැඳි හදවතක් නැති
බිමක කවදා සිනහසෙන්නද විසිර ගිය සඳ සියපතක පෙති
සියල් කෙළෙසුන් නැසූ පොළොවක සියල් සත වෙත මෙත සදන නිති
ඉරෙන් එපිටට පා තැබුණු තැන ඉබේ එසවෙන කැට මුගුරු වෙති
බිමක කවදා සිනහසෙන්නද විසිර ගිය සඳ සියපතක පෙති
සියල් කෙළෙසුන් නැසූ පොළොවක සියල් සත වෙත මෙත සදන නිති
ඉරෙන් එපිටට පා තැබුණු තැන ඉබේ එසවෙන කැට මුගුරු වෙති
උපන් බිමමය රැඳී උන්නේ නිබඳ හිත යට සරල සුන්දර
රැඳී ඉන්නට වරම් නැතිවුණ අගහිඟ ය ජීවිතයෙ අද්දර
ණයට ගත් අත්තටු විදාගෙන පියාඹා ගොස් බිමෙන් පෙම්බර
කොපමණක් කිරිලියන් උන්නද තුරුළු කරගත් නරුම ගින්දර
රැඳී ඉන්නට වරම් නැතිවුණ අගහිඟ ය ජීවිතයෙ අද්දර
ණයට ගත් අත්තටු විදාගෙන පියාඹා ගොස් බිමෙන් පෙම්බර
කොපමණක් කිරිලියන් උන්නද තුරුළු කරගත් නරුම ගින්දර
සිතේ සිරවුණ නේක අගහිඟ ඇස් අගිස්සෙන් වාං දැම්මා
අතේ ගුලිවුණ කඳුළු අරගෙන නරුම කතරට බාර වෙම්මා
උපන් බිම මත රැඳෙනු බැරි වුණ වරද වහගෙන, වැරෙන් බුම්මා
සැරද මහතුනි තරහ අවසර, කුමට සොයමුද පතිනි අම්මා
අතේ ගුලිවුණ කඳුළු අරගෙන නරුම කතරට බාර වෙම්මා
උපන් බිම මත රැඳෙනු බැරි වුණ වරද වහගෙන, වැරෙන් බුම්මා
සැරද මහතුනි තරහ අවසර, කුමට සොයමුද පතිනි අම්මා
-මුදිත්-
2015.12.04
No comments:
Post a Comment