නුඹ ඇවිත් යන්නැති...

දවල් දොළහේ පැයට
ඉස්පිරිතාල ගේට්ටුව
පහුකර..
ගලාගෙන එන- මහා ගංගාවක
පුංචි ම බිඳිත්තක් වී
නුඹ එන්න ඇති
තනියම...

දන්න හඳුනන
උකුසු ඇස් මගහැර
දුක සැප අහන්නට
දෑසට වත් ඉඩක් නැතිකොට..
බෙදාගෙන හෙලන්නට ඇති
තව කඳුළු බිංදුවක්..
තනියෙන්ම
හිතේ හිරකරගෙන...

කාලයක් පුරාවට
කියවන්ට මග බැලූ
"ඇට මැස්සා"..
සැළලිහිණියක වෙස් ගත්
න(ර්)ස් නෝනා කෙනෙකු බාරේ,
නතර කර තනියට
මා ළඟ...

නුඹ ඇවිත් යන්නැති
නොකියම....

                                   -මුදිත්-
                            2015.10.11