එකම මන්දාකිණියක, වෙන වෙනම තරු දෙකක...

 "එකම මන්දාකිණියක

වෙන වෙනම තරු දෙකක.."

මතක හැටියට නම්

එහෙමයි උන්නෙ නුඹ - මං..

වැඩිපුර කතා බස්..

ඒ වුණත් හදවතින් දෙඩුවේ

වචන අතරේ - හිස්තැන්..

සඳට නතු වුන රැයක,

තරු..! 

සඳට අවනත නැති තැන්..

රැය - අහස - සඳ - තරු

නිහඬවම හිඳිමින්

නිතර ඇවිලෙන උන්...

ඇත්තටම අපි..!

පෙම් කලාවද රහසින්....?

තරු අතර ඉතිරි ඉඩ බෙදාගෙන විඳිමූ

තුරු අගිසි මල් දරයි, බලාගෙන ඉඳිමූ

කරුවලත් රළු නොවෙයි සඳ රැසක් අඳිමූ

කඳු අතර හිස්තැනක, බදාගෙන ඉඹිමූ

-මුදිත්-

22.10.2024