ඒ අවුරුද්දෙ මැද හරියෙ ඔය කියන දවසෙ හම්බුනාට පස්සෙ එයා ගැන කිසිම ආරංචියක් නෑ. ඒක හරියට එයා මේ ලෝකෙන්ම ගැලවිලා ගියා වගෙයි.
නිහඬවම පියමැන
හද මැදින් විහිදෙන දෙණි පෙත,
ඇතුළු හද වනයට
නොදොඩා නොකියාම නික්මුණිද..
නිහඬ නිසලම තැන් වසාගත්
ඔබ ද අව'ඳුරු මිහිදුම...?
කැලඹුම් මෝසමට ඉඩ දී
නුවරුන් දහක් ඇස් මගහැර..
නැතක් කල් වස් වසා එකලාව
නැමුණිද ඇතුළු හද තුළටම,
නොදැනීම...?
නිහැඬියාවේ හැඬුම මත
මරණ දහසක රිදුම් ලියලයි,
සදාකාලික ශිශිරයක
උණුහුම පතා, මතක මිට ඇවිලෙයි..
හුදෙකලාවේ ඈත කෙළවර
හිස්කම පවා, තව හිස්කමක් පමණයි,
විශ්වයේ සමහර හිස්තැන්
මළවුන්ට විතරක් ම උරුමයි...
-මුදිත්-
02.06.2024
Image source: Internet
