චේ.. උඹ මළේ මෙහෙදී...

ටී ෂර්ට් වලට සිල්ලර වුණු
මාල පෙති වල පවා රජවුණු
චේ..
වෙන කවුරුවත් නැතුවැති
උඹ තරම් තැන තැන විකිණුනු..

ඇදුම පෙනහළු පවා
හුස්ම ගත්තේ ඇද ඇද
විකුණන්න නොවෙයි
ලියා දෙන්නයි අයිතිය..
මානව රුධිරයේ කකියන
එකිනෙකා වෙත ඇති නෑකම
නහර තුල හැපි හැපී දිව්වේ
විප්ලවය වෙනුවෙනි අමිලම...

චේ...
එහෙව් උඹටත් කෙලෙව්ව
බිමක් තිබුණා නරුම ම...

උඹෙන් ගිණිහුල් බැඳගෙන
තිත්ත කලුවර කාගෙන
එන්න ආවා මෙහෙත් හුඟ උන්
වීරියෙන් ගැල් බැඳගෙන..

හඳ තරු පවා නන්නත්තාරව
පාර කීවෙත් ඇදයට
එක එකා ගැල කරෙන් ඇදගෙන
ආයෙ ආවේ පුරුදු තැනටම..

ඒ ගමන කෙළවරදී
යනෙන මහ මග පවා
දුටුවෙ උඹමයි අනගී..
ටී ෂර්ට්- කර මාල පෙති වී
විප්ලවේ විකිණුනා බං මෙහෙදී...

ඇත්තමයි චේ..
උඹ මළේ මෙහෙදී....

                                                 -මුදිත්-
                                          2015.09.26