ලැබීමට යන බස්සෙක...

ඇදෙන තරමක් බස් ඇදෙනකොට
කොළඹ- මාතර
තිස්සෙම
හරි අපූරුම බස් එකයි උඹ
හදවතක් ඇති
ගැස්සෙන
තියෙන තරමක් වංගු- වලවල් මැදින්
ලැබීමට යන
බස්සෙක...

තේ වතුර -උණු වතුර බෝතල්
රෙදි මළුත් තව බඩු මළුත්
මොකුත් නොකියම
උස්සන
කොයි කාගෙ කවුරුන් වුනත්
බලන්නට දුක සැප
අලුත් ඉස්පිරිතාලෙටත්
ආ-ගිය

හරි පුදුම බස්සෙක...

වංගු, වළවල්, කාණු, මහ ගල්
එක්ක පොරබදන කොට
තිස්සෙම
ඇංජිමෙත් පොට නොගියොතින් ඒ
එහෙමටත් එක
දවසක...

මාතරින් ගත්තාම හුස්මක්
හති කඩන්නෙත් ඉඳහිට
ආයෙ හුස්මක් ගත්තොතින් ඒ
නැවතුනාමයි වැලිගම
මගනෑර ගුරු පාරවල් වල
පවා දුක- සැප විස්තර
ලැබීමේ බර කරෙන් ගෙනියන
උඹයි නෑයා පුදුම ම...

                                        -මුදිත්-
                                 2015.09.28

*ලැබීම- මාතර දිස්ත්‍රික්කයේ පිහිටා ඇති ග්‍රාමයකි.