සිප් එක ඇරුනු ප්‍රේමය...

පොලිසිය විසින්, උද්‍යානයක අශෝබන ලෙස හැසිරුනු තරුණ තරුණියන් පිරිසක් අල්ලයි.

-පුවතක්-

තත්පර කටු - ඔරලෝසු මුහුණත්

බොරු කර,

මහ දවල් දොළහටත්

උදා වෙන්නට පුළුවනි රාත්‍රිය...

කියවගන්නට බැරිව සෘතුව,

නාඹර කදෝකිමියන් රෑන්

ඉගිලෙන්න පුළුවනි එහෙම දවසට..

වැස්ස, උඹ වැස්සේ

වැරදි දවසක...

"පබ්ලික් පාක්" ලෙස

වර්ණ ගැන්වූ මකුළු දැල් වල

කුරුකුහුඹු - කදෝකිමි,

ජෝඩු පැටලුණ හවසට,

ප්‍රේමයේ දිග පළල 

මිමි මැනගෙන,

"මොබයිල් ජිප්" එකක් එයි

ප්‍රේමයට නිර්වචන අරගෙන...

-මුදිත්-

26.09.2023